مستخدم:مشعل اليامي/ملعب

اسم الوقعه الصليب

تاريخها عام ١٣٠٣ ه

موقعها في الصلب المنطقة الشرقية

أسبابها موارد ماء ومرعى بين مطير والعجمان

وكان العجمان متفرقين ولا يوجد إلا عدد قليل من العجمان بعدها ارسل الشيخ راكان بن حثلين الشلايل لقبيلة ال العرجاء لمساندته على قبيلة مطير وهذا الوقعه عام ١٣٠٣ ه ووصل مرسول راكان بن حثلين لقبيلة ال العرجاء في اقصى الجنوب منطقة حمى في نجران إلى الشيخ سلامه بن ملهي بن مانعه فاستقبل المرسول وكرمه ولبى دعوت ابناء عمومته العجمان وقام الشيخ سلامة قال لمرسول راكان خلك معنا قال مرسول راكان لازم ارجع عجل وابشر راكان بقدومكم قام سلامه وارسل معه احد فرسان ال العرجاء لمرافقته وهو فهاد بن حرفش ومعه اثنان فتجهزوا ال العرجاء ونزلوا من نجران قاصدين العجمان وفي طريقهم تعرض لهم احد ابناء قبيلة الدواسر وكان وحيد وسالهم عن وجهتهم واخبروه فطلب مرافقتهم فرحبوا به وعند وصولهم لقبيلة العجمان رحبوا بهم وكرموهم فرفع احد فرسان العجمان فنجال سلطان البعير ابرز واشجع فرسان مطير فطار به الفارس جليد بن هاشله ال العرجاء وشربه فطلب الشيخ سلامة من الشيخ راكان طلب وقال لي طلب عندك قال لك ماتبي قاله وعد قال وعد قال تخلونا ومطير فالبداية رفض راكان وباقي العجمان ولكن قد سبقهم سلامه بالوعد فوافقوا امتثلا لوعدهم فتناوخت جموع مطير مع قبيلة ال العرجاء وفي هذا الأبناء قد تخلف مرافقهم الدوسري فلم احد يراه بعد وصولهم للعجمان وقد برز الفارس جليد بن هاشله ونادا بصوت عالي يطلب الفارس سلطان البعير فخرج له وتبارزا فطعنه ابن هاشله وقد هزمة مطير ذالك اليوم وعند رجوع مطير لدويش شيخ مطير وسأل وين سلطان قالوا انذبح جاونا عربن ماعرفناهم لابسين اسود وخيلهم سود وعزاويهم غريبه قال الدويش ياحز بعيري بعيراه جاوكم كلاب نجران وقال لربعه شبو النار وخلو الكلاب والبيوت وارحلوا وعند رجوع سلامة وربعه لموقع العجمان فرحين بانتصارهم ضهر لهم مرافقهم الدوسري وهو ينعت في الشيخ سلامة قال سلامة وش علمك قال عطني الامان قال هو لك قال الدوسري انا لقيت ذباح ابوي مع العجمان وذبحته قال سلامه انك والله تعقب ماجيت معنى الا وانت مبيتها لكن قد الله عطاك الامان فأرسل سلامة لراكان قاله حنى بنمسي قريب منكم والصبح بنكر على مطير فأرسل راكان وقال ياسلامه الا تعالوا عندنا والبيوت بيوتكم ولا عليكم من الدوسري دوسري ذابح دوسري ولكن خوف سلامه على جويره من الغدر واشعال الفتنه بين ابناء العمومه رفض وكان بعض فرسان العجمان ضايق مما فعل الدوسري ويريدون قتله وعندما أصبحوا فالتقت جموع العجمان وال العرجاء وذهبوا لموقع مطير فلم يجدونهم فقد رحلوا فاستاذن سلامه شيخ العجمان للرجوع لنجران فقال راكان وش تبغون من نجران خلوكم معنى والديار مثل ماتشوفون طيبه ومرعاها طيب لكن اصر سلامه وقال بنجيكم ان شاءالله ولكن مازال بعض العجمان ضايق مما حصل لدوسري واردوا اشعال الفتنه كي يتمكنو من قتل الدوسري وارسل احد شعار العجمان ابات من ضمنها ربعي العجمان يوم قفا سلامه كنه .... تومي بكراعها وهي من باب الاستفزاز فلم يرد عليهم سلامه اتقاء شر الفتنه بين ابناء عمومته واحترام لشيخ العجمان وعقالها وقد اورد الشيخ راكان بن حثلين قصيده بخصوص هذا الوقعه حيث قال و منها

ياراكب من عندنا فوق شقران=سواج مواج بعيد المراحي

ينشر من القرعا على قد الاذان=والعصر تشرف له خشوم وضاحي

كز القعود للشيخ من نسل وطبان=زيزوم علوى مبعدين المناحي

الذم مايهفي للاجواد ميزان=والمدح ما يرفع ردي المشاحي

ابشر ليا جيته بكبش من الضان=ودلال فيهن اشقر البن فاحي

يمشي وينشد عن منازل فنيسان=يبغي بداري قامةٍ وانبطاحي

الدار حاميه الولي عالي الشان=من حمد ربي سدنا ما يباحي

الدار نحميها بخيل وفرسان=يا اهل القنازع دايسين الملاحي

وجدي عليك أمسيت يا نسل وطبان=حتى يجيك من الهواشم صباحي

مخيلة تاتيك من صوب نجران=هبوبها سمٍ لكبدك إذحاحي

أول مطرها رشة الخيل بأكوان=ترمي العشا للطير رفض الجناحي

خليت عشب الصلب يومي بالاردان=تلعب بريضانه هبوب الرياحي

والعذر منك يالصبي يا ابن درجان=حنا فهقنا الكون نبغي الصباحي

ياما حدينا عند حلوات الالبان=وياما كسرنا قفوها من الرماحي

لامركبنا فوق طوعات الارسان=عدونا يبطي وهو ما استراحي