مستخدم:Micho chicho/ملعب

مقروض بالتمر

المقروض:

المقروض ينكتب مقروض ولا مقروط هو قاطو شعبي يصنعوه بزاف الدزيريين ,التوانسا و المروكيين بصح معروف ثانيك في ليبيا او مالطا .

شكون ياكلوه:

البلادات الي ياكلو بزاف المقروط هما الدزاير و تونس.بصح البلادات الي حذاهم ياكلوه ثانيك .المقروط كاين في غرب ليبيا اللي هي بلاصة متاثرة بزاف بالتوانسا. ما نانساوش وجدة و تيطوان الي بداوه فيها ليزيمقري الدزيريين و في فاس بلا شك بداوه التوانسا نتع القيراوان في العهد 9 .المقروض رجع معروف في البلادات الي يعيشو فيها الدزيريين و لا توانسا بلا ما ننساو فرانسا.

كيفاه ينصنع :

المقروض ينصنع من طبقات طبقة نتع العجينة اللي فيها السميد نتع القمح اليابس و طبقة نتع عجينة التمر و خطرات دقلة نور و مين ذاك الكرموس ولا اللوز .امبعد نرولوهم و نقسموهم على شكل مقروظات ولا مثلاثات امبعد نقلوه في زيت ثمة نغطسوه في السيرو نتع السكر و القارص مع قشور الشينة مع التالي نسربوه بارد.

يسموه ثانيك:

الدزاير : قبايل مع وهرن :مقروت. تلمسان:مقيرات/مقروت. قسنطينيين:مقروض ولاماقروط. ليبيا:مقروط. مالطا:امقيرت/ماكروت. المروك:مكروت. تونس:مقروض. نواع المقروط: المقروط الدزيري: يقلوه و لا يطيبوه في الكوشة كيما في الشرق،هذا النوع من القاطو اصلو من الجنوب الشرقي للبلاد،و نصيبوه في كل دار و يختلف من جهة لاخرى و كاين نواع بزاف: _مقروط التمر:اصله من الصحرا و مصنوع بالسميد و التمر و القرفة و ماء الزهر و مغطوس في العسل و ينقلا و لا يطيبوه في الكوشة. _مقروط العسل:و اصله من سطيف و العاصميين يصنعوه بالسميد و اللوز مطحون و القرفة و ماء الزهر. _مقروط اللوز:و لا مقروط مسكر و هو مصنوع من لوز مطحون رقيق و سكر رطب،سميد و قشور القارص و ماء الزهر. _مقروط الكوشة:اصلو من قسنطينة معروف بزاف في الشرق،مصنوع بالسميد و التمر يطيبوه في الكوشة و يعتبر المقروط الاصلي. _مقروط وهراني:مصنوع بالسميد و العقاقير. _مقروط الدقيق:اصلو من سوق اهراس يصنعوه بالفرينة. _مقروط مدور:هو مقروط عصري و يجي مدور و العقدة مصنوعة بالزبدة و التمر. _مقيرط:اصلو من تلمسان مصنوع بالبيض و الكوكاو و الجلجلان محمص يطيبوه و مبعد يغطسوه فالعسيلة. _مقروط بالكرموس:العقدة مصنوعة بالعجينة تاع الكرموس. _مقروط مالح:مصنوع بالبطاطا والعقاقير و العقدة تكون بالجاج و لصوص تومات و مرمد بالجلجلان.